بھارتی سکھ یاتری واپس روانہ حکومت پاکستان نے عزت و احترام دیا
ٹرسٹ بورڈ انتظامیہ کی مہمان نوازی قابل تعریف ہے سکھ یاتری
وفاقی وزیر و چیئرمین بورڈ کی ہدایات کے مطابق یاتریوں کو تمام تر سہولیات فراہم کی گئی سیف اللہ کھوکھر ۔

لاہور ( )بابا گورو نانک جنم منانے کے بعد بھارتی سکھ یاتری گورو کی دھرتی کی خوبصورت یادیں لیے واپس انڈیا لوٹ گئے۔۔پاکستان کی مہمان نوازی وہ ہمیشہ یاد رکھیں گی۔ واہگہ بارڈر پر گفتگو کرتے ہوئے شرومنی گورو دوارہ پربندھک کمیٹی کے پارٹی لیڈر سردار گر میت سنگھ نے کہا کہ ہم وفاقی حکومت اور ٹرسٹ بورڈ انتظامیہ کے بے حد مشکور ہیں، پاکستان اقلیت نواز ملک ہے، ہمیں یہاں پر طرح کی سہولیات میسر تھیں، انہوں نے کہا کہ پاکستان میں جتنی عزت ملی\ اسے الفاظ میں بیان کرنا ممکن نہیں۔
دہلی گرد و دوارہ مینجمنٹ کمیٹی کے پارٹی لیڈر سردار ہرجیت سنگھ نے کہا کہ ہمارے گوروداروں کو اصل حالت میں بحال رکھا گیا ہے انکی خوبصورتی قابل تعریف ہیں۔ حکومت پاکستان اور متروکہ وقف املاک نے میڈیکل ٹرانسپورٹ کے بہترین انتظامات کیے ۔

سکھ یاتریوں نے واہگہ بارڈر پر اظہار خیال کرتے ہوئے کہا کہ وہ پہلی بار پاکستان آئیں تو ان کے دل میں مختلف خدشات ،تحفظات تھے لیکن آج جب وہ واپس جارہی ہیں توایسے لگتا ہے جیسے اپنوں سے بچھڑرہے ہو یاتریوں نے حکومت پاکستان اورخاص طور پر متروکہ وقف املاک بورڈ کا شکریہ اداکیاپاکستان سکھ گردوارہ پربندھک کمیٹی کے پردھان سردار رمیش سنگھ اروڑہ اورمتروکہ وقف املاک بورڈ کے ایڈیشنل سیکرٹری شرائنز سیف اللّٰہ کھوکھر نے بھارتی مہمانوں کو الوداع کیا اور تحائف پیش کیے ۔
پاکستان سکھ گردوارہ پربندھک کمیٹی کے پردھان سردار رمیش سنگھ اروڑا نے کہا کہ پاکستان میں اقلیتوں کو مکمل تحفظ اور مذہبی آزادی حاصل اور تعلیم و روزگار سمیت تمام سہولیات یکساں میسر ہیں ۔
ٹرسٹ بورڈ کے ایڈیشنل سیکرٹری سیف اللہ کھوکھر نے کہا کہ و فاقی وزیر برائے مزہبی امور چوہدری سالک حسین اور چئیرمن متروکہ وقف املاک بورڈ سید عطاء الرحمٰن یاتریوں کی مہمان نوازی اور بین المذاہب ہم اہنگی کے لیےخصوصی دلچسپی رکھتے ہیں انکی خصوصی ہدایات پر ہمسایہ ملک سے آنے والے مہمانوں کی مہمان نوازی کے لیے ہمہ وقت تیار رہیں، یاتریوں کے لیے بہترین اقدامات کیے اور تمام متعلقہ اداروں کی کارکردگی قابل تعریف ہے۔ انہوں نے کہا کہ متروکہ وقف املاک بورڈ سکھ یاتریوں کی مہمان نوازی میں معاونت کرنے والے تمام صوبائی و وفاقی ،سیکیورٹی وانتظامی اداروں اور میڈیا کے نمائندوں کے شکر گزار ہیں ۔