شری کٹاس راج میں” مہا شو راتری “ کی مذہبی رسومات کی ادائیگی کے لیے بھارتی ہندو یاتری 24فروری کو واہگہ چیک پوسٹ کے راستے پاکستان آئیں گے۔ ترجمان بورڈ کی جانب سے جاری پریس ریلز کے مطابق متروکہ وقف املاک بورڈ کے ایڈیشنل سیکرٹری( شرائنز )سیف اللہ کھوکھر ،ممبران پاکستان ہندو مندر مینجمنٹ کمیٹی و اعلی حکام اور مقامی ہندو رہنماء مہمانوں کا استقبال کریں گے، وفاقی وزارت مذہبی امور براے بین ا لمذاہب ہم آہنگی اور چیئرمین بورڈ سید عطاء الرحمٰن کی خصوصی ہدایت پر ہندو یاتریوں کی پاکستان آمد کے حوالے سے سیکورٹی رہائش،ٹرانسپورٹ سمیت دیگر انتظامات کیے گے ہیں۔ ڈپٹی سیکرٹری جنرل (شرائنز )عمر جاوید اعوان کا کہنا ہے کہ ہندو یاتری 24فروری کو پاکستان پہنچنے کے بعد سپیشل بسوں کے ذریعے واہگہ بارڈر سے گورو دوارہ ڈیرہ صاحب لاہور میں ایک دن قیام کریں گے۔جبکہ 25 فروری کو چوہ سیدن شاہ چکوال کے قریب تاریخی کٹاس راج مندر روانہ ہوں گے جہاں 26فروری کو ہندو یاتری مہا شو راتری کی مناسبت سے اپنی مذہبی رسومات ادا کریں گے ۔دورہ مکمل ہونے پر ہندو یاتری 2مارچ کو بھارت واپس روانہ ہوں گے۔